Fag- og sveineprøve utan læreforhold og skule

YSO gir tilsette i medlemsbedriftene tilbod om hjelp til vurdering av behov for teori og praksis, oppmelding til teoriprøve og oppmelding til praktisk prøve (fagprøva)

Fagopplæringskontoret i fylket har den endelege godkjenninga av teori og praksis.

Kven kan bli praksiskandidat?

§ 3-5 i opplæringslova gir personar med lang praksis innan eit yrke rett til å gå opp til fag- eller sveineprøve som praksiskandidat/privatist.

Krav til praksis:

Kravet er at praksisen skal vera 25 prosent lengre enn fastsett læretid i faget. Praksisen skal dokumenterast gjennom attestar frå arbeidsgjevar. Det må framgå av attesten kor lenge du har hatt arbeidsoppgåver relatert til det faget du skal opp i.

Krav til teori:

Det er ikkje krav om at ein må ha gjennomført vidaregåande skule, men du må som hovudregel ha bestått ein tverrfagleg teoretisk eksamen i faget før du kan melda deg opp til den praktiske prøven. Kompetansebevis for bestått teori skal leggjast ved oppmeldinga til fagprøva.

I einskilde høve kan teorieksamen erstattast av realkompetanse.